Бүгін, 3 қарашада «Халықаралық биосфералық резерваттар күні» атап өтіледі.
Жоңғар-Алатауы мемлекеттік ұлттық табиғи паркі 2018 жылы ЮНЕСКО-ның «Адам және Биосфера» бағдарламасының халықаралық үйлестіру кеңесінің (MAB) 30-шы сессиясы кезінде Палембанг, Индонезия дүниежүзілік биосфералық резерваттар желісіне қосылды. Резерват биологиялық әртүрлілікті сақтауға ғана емес, барлық алманың мәдени сорттарының арғыатасы болып табылатын алманың жабайы өсетін түрі – Сиверс алмасының генофондын қорғауға аса маңызды және оны қайта қалпына келтіруге негіздеме бола алады.
Биосфералық резерваттардың дүниежүзілік желісі (ағылш. UNESCO World Network of Biosphere Reserves) – ЮНЕСКО-ның «Адам және биосфера» бағдарламасы шеңберінде құрылған және табиғат пен Адамның теңгерімді өзара іс-қимылын, қоршаған ортаның тұрақты даму тұжырымдамасын көрсетуге арналған ерекше қорғалатын табиғи аумақтарды біріктіреді.
Халықаралық биосфералық резерваттар күні біздің планетамыздың халқы үшін тұрақты даму қағидаттарында адамзаттың қазіргі өмірін ұйымдастырудың маңыздылығын және биосфералық қорықтардың дүниежүзілік желісі осы мағынада жетекші және көрнекі рөл атқара алатындығын жыл сайын еске салуға арналған. Халықаралық күн ЮНЕСКО-ның 41-ші сессиясында Бас конференция болып жарияланды (2021, 41 C/37).