10 желтоқсан күні “Жоңғар-Алатауы МҰТП” РММ мен “Аманбөктер негізгі орта мектебі МДШО” КММ арасында ынтымақтастық туралы меморандумға екі жақты келісім жасалып, қол қойылды. Экологиялық мәдениетті дамытудың 2024-2029 жылдарға арналған “Таза Қазақстан” тұжырымдамасын іске асыру барысында парк қызметкерлері оқушыларға “Табиғатты аяла” атты дәріс өткізді. Сонымен қатар, мектеп орманшылығы “Жасыл клуб” мүшелері ұлттық парктің:
1) Рекреация, экологиялық ағарту және туризм;
2) Ғылым;
3) Табиғи қорық қорын қалпына келтіру және қорғау;
4) Жануарлар дүниесін қорғау және өсімін молайту
бөлімдерінің жұмыс бағыттарымен танысты.
Кездесу барысында ұлттық парктің ғылыми кітапханасына, табиғат мұражайына экскурсия жүргізілді.